O
4 de febreiro de 2016 doutoreime en
Comunicación e Xornalismo na Universidade de
Santiago de Compostela coa tese 'Música
popular e sociedade no Val do Ulla de 1920 a
1936: unha visión analítica desde a prensa
comarcal'.
Como
membro do equipo de investigación Canal Campus
de Popular Music Studies, adscrito ó Grupo de
Investigación "GI-1786 – Comunicación
audiovisual: contidos, formatos e tecnoloxía"
da Universidade de Santiago de Compostela,
participei en varias investigacións e
iniciativas educativas (véxanse algunhas delas
nos apartados de libros e artigos).
EDUCACIÓN
Desde
setembro a novembro de 2023 fun profesor de
Lingua e literatura galega no IES Rego de
Trabe de Culleredo. No curso 2022-23 fun
profesor de Lingua e literatura galega no IES
Eduardo Pondal de Santiago de Compostela.
Entre setembro de 2016 e xuño de 2022 fun
profesor de Formación Profesional e Secundaria
nos ámbitos das Artes gráficas e Imaxe e Son.
Así mesmo, impartín docencia na Universidade de Santiago de
Compostela no
I Máster en Industria Musical en 2015 e
no II
Máster en Edición en 2005.
XORNALISMO
De cando en cando
colaboro escribindo artigos sobre historia e
tecnoloxía para a revista Código
Cero
Desde decembro de
2016 e ata maio de 2017 traballei no gabinete
de prensa da Deputación
de Pontevedra.
Durante varios meses en 2013 e 2014 colaborei
coa cooperativa Cidadania
desenvolvendo tarefas de comunicación para a Rede
Eusumo e no 2015 no proxecto 'Historia
da informática en Galicia'.
No ano 2012 colaborei con
MeteoGalicia (www.meteogalicia.gal)
e o Centro de Supercomputación de Galicia (www.cesga.gal)
na difusión do proxecto MeteoSIX,
do que xurdiu a aplicación MeteoSIX para
móbiles. Desde o 1995 ata o 2011 traballei
en varios medios do Grupo Correo Gallego, o
último deles o diario Galicia
Hoxe, que pechou a súa edición en papel
o 28 de xuño do 2011
