|
BIOGRAFÍA
Nacín en Caracas en 1973.
Estudei Xornalismo na Universidade de
Santiago de Compostela (USC), licenciándome en 1995 e
doutorándome o 4 de febreiro de 2016 en Comunicación e
Xornalismo coa tese 'Música popular
e sociedade no Val do Ulla de 1920 a
1936: unha visión analítica desde a
prensa comarcal'. En xullo de 2019
gradueime na USC en Ciencias da
Cultura e Difusión Cultural (título
equivalente ó grao en Humanidades).
Desde setembro de 2022 son profesor de
Lingua e literatura galega no IES
Eduardo Pondal de Santiago de
Compostela.
Entre setembro de 2016 e
xuño de 2022 fun profesor de:
- Produción de artes gráficas nos
centros: CEE
Saladino Cortizo de Vigo, IES Leixa de
Ferrol, IES
Montecelo de Pontevedra, CEE María Mariño
da Coruña, CEE Pontevedra
e
CEE de Vilagarcía.
- Imaxe e son no IES
Audiovisual de Vigo e no CIFP Imaxe e
Son da Coruña.
- Desde decembro de 2016 e ata maio de
2017 traballei no gabinete de prensa
da Deputación de Pontevedra.
- No 2013 e 2014 colaborei coa
cooperativa Cidadania nas tarefas de
comunicación da Rede Eusumo e no 2015
no proxecto 'Historia da informática
en Galicia'.
- No 2012 colaborei con MeteoGalicia e
o Centro de Supercomputación de
Galicia na difusión do proxecto
MeteoSIX.
- Anteriormente
fun redactor no Grupo Correo Gallego
durante case 16 anos.
- Debido ó meu traballo e ó meu
interese en distintas materias escribo
libros e artigos, fago ilustracións e
fotografías e deseño webs.
|
